IMPRESARIMENTU

RESCUNTRÀ

FURMAÇIUN

Zuvena Camera Ecunomica de Mùnegu

U motu ciû u notu d’i impresari d’u Principatu de Mùnegu !

A Zuvena Camera Ecunomica de Mùnegu à vistu u giurnu ün 1963 e, despöi, è  prun stacàu â vita d’u Principatu.

A traversu ë nostre diverse açiue per desvelupà l’atratività ecunomica d’u paise, u nostru muvimentu gh’à già permessu a tante generaçiue de zuvani direti d’üntrapresa de se rescuntrà, de parlà üntra impresari per ümpara d’ë soe diverse esperiençe de travayu. Achësti scangi gh’àn permessu de elaburà de prugeti ünseme che desvelupàn u spiritu de creaçiun e d’üntrapresa.

Tra ë iniçiative che gh’à piyau a Zuvena Camera Ecunomica de Mùnegu, se nota : u Cuncursu de Creaçiun d’Üntrapresa, l’Anüari Ecunomicu, u « Startup Weekend », u Ghida d’u padrun, u questiunari cumerçu, u « Get in the ring », granelu d’impresari, partage d’esperiençe e l’ürtimu : u « Business Time ».

Ë nostre açiue s’articülun ünturnu tre poli principali : u desvelupamentu d’ë üntraprese, u « networking » : u fatu de rescuntrà diversi prufessiunali per se creà d’ë cuntati e, per finì, a furmaçiun.

A Zuvena Camera Ecunomica de Mùnegu è prun fiera de iesse afilià â Junior Chamber International (JCI) perchè a dimensiun internaçiunale è propi inscrita ünt’u nostru muvimentu. De ciû, dà l’upurtünità â i nostri munegaschi d’avè üna visiun ciû larga e de se drœve sciû u mundu.

Se gh’avì vœyà de relargà a vostra trama de cuntati prufessiunali, de creà d’ë nœve upurtünità de travayu. Per üngrandì a vostra capacità de dirige a vostra impresa o i vostri impiegai e de piyà parte a u voru d’u paise…Cuma partenari, sociu simpatisan o ativu…a Zuvena Camera Ecunomica de Mùnegu è propi per vui !

PARTENARI